مين يهمه
مين يهمه
لو إن دم عصفور صغير
عالأرض سال
مين يهمه
بلاش تجاوب عالسؤال بلاش تجاوب
إكتم في قلبك صرختك
أصل الإجابة تموتك.. تموتك
ومين يهمه
والآن.. قلب و روح بيتقسموا
مواطن بيسلم حروف إسمه
بيخلع آخر هدمة… آخر هدمه على جسمه
و مين يهمه
منين نجيب قدرة تملانا تاني بروح
تدب فينا حياة ننسى هوان و جروح
لو لسة في قلبي و قلبك أحلام مش راضية تموت
لو لسه لكلمة بلدي ريحة و طعم و صدى صوت
المحنة سحاب هايعدي.. و الصعب أكيد هايفوت
طول عمرك إنت الباقي و الخالد رغم الموت
و الكل حايهمه… حايهمه
كلمات كوثر مصطفي
No comments:
Post a Comment